Përdorte aplikacionin e ish agjentit të CIA-s për të shpërndarë drogën, pranga...

Përdorte aplikacionin e ish agjentit të CIA-s për të shpërndarë drogën, pranga shqiptarit

107
0
Shares

Një shqiptar 32 vjeçar që jetonte në qendrën historike të Via della Sapienza në Itali është arrestuar për llogari të drejtësisë italiane, pasi dyshohet si shpërndarës kokaine në doza të vogla.

Por ajo që bën të veçantë shqiptari është se ai përdorte një aplikacion sekret që i merrte porositë me mesazhe që fshiheshin pas tre sekondash. Ajo që e zbuloi shqiptarin ishte një “emoji” ku dikush e porosiste për 5 gram kokainë.

E. T, 32 vjeç, u arrestua nga operacioni i koduar ‘Lëvizja’ dhe hetimi që çoi në arrestimin e shqiptarit filloi verën e kaluar pas ndalimit të një 38 vjeçari italian, banues në Murialdo.

Lënda narkotike shpërndahej nga aplikacioni i quajtur ‘Sinjal’

Shqiptari ishte furnizuesi i një grupi të shitësve të drogës, i cili merrte porositë me SMS në aplikacion.

Një sistem që ishte shumë praktik, i shpejtë dhe që i lejonte grupit të shpërndante rreth 50 doza kokainë në javë në zonën e Viterbos, ndërsa të ardhurat ishin mijëra euro në muaj.

Sipas policisë italiane shqiptari punonte me “profesionalizëm në të gjitha aspektet logjistike në lidhje me blerjen, transportin dhe fshehjen e kokainës, në disa raste në fshatrat e Viterbos, duke kryer lëvizje të fshehta për të shmangur kontrollin e policisë.

“Signal” është aplikacioni i famshëm sekret i Edëard Snoëden, i përdorur nga ish-agjenti i CIA-s për të zbuluar detaje të programeve të mbikëqyrjes të qeverisë amerikane që mbaheshin sekret.

Aplikacioni përdor protokollet “encryption end-to-end” për të siguruar të gjitha komunikimet ndërmjet përdoruesve, të cilët në mënyrë të pavarur mund të verifikojnë identitetin e korrespondentëve të tyre duke krahasuar “çelësat”, shkruajnë mediat italiane.

Gjatë thirrjeve, përdoruesit mund të kontrollojnë integritetin e kanalit të të dhënave duke kontrolluar nëse dy fjalë janë duke u përputhur nga dy personat në komunikim. Aplikimi gjithashtu ju lejon të dërgoni dhe të merrni mesazhe private, mesazhe grupi dhe mesazhe multimediale.

/DRONI.al/

Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/

loading...
Loading...

LEAVE A REPLY