Anëtarja e Kryesisë së Partisë Demokratike, Grida Duma, e ftuar në emisionin Top Talk, deklaroi se largimi i kryeministrit Edi Rama do të shpëtonte institucionet.
“Beteja jonë do të zgjasë dhe demokratët qëndrestarë e dinë këtë shumë mirë dhe janë të gatshëm që ta çojnë deri në fund. Ne nuk jemi duke zgjedhur kryetarin e Partisë Socialiste, por ne i kemi vënë kushte kryeministrit, i cili është i detyruar që për të shpëtuar institucionet duhet të lëvizë si kryeministër. Ndërtimi i institucioneve varet nga lëvizja e Ramës”, deklaroi Duma.
Më tej, Duma theksoi se “është e domosdoshme që opozita, ashtu siç fitoi moralin me djegien e mandateve, duhet të qartësojë pozicionin e vet gjithmonë e më tepër dhe duhet të thotë se kjo betejë nuk është betejë për pushtet, pasi ai do të merret nëpërmjet votës; por është një betejë për të fituar rregullat e lojës”.
“Qartësia e këtij mesazhi do të rrisë edhe më tepër kredibilitetin e betejës opozitare”, u shpreh Duma.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
