Së fundmi edhe Shqipëria bëhet pjesë e donatorëve për rindërtimin e katedrales Notre Dame të Parisit.
Burimet bëjnë me dije se qeveria shqiptare ka planifikuar të dhurojë 100 mijë euro për katedralen historike që u përfshi nga flakët dy ditë më parë.
Pak më parë dhe Kosova vendosi të ndihmonte Francën. Haradinaj shprehu keqardhje për humbjen e madhe të veprës historike, megjithëse ende nuk e ka bërë të ditur shumën që do të akordojë.
Më herët dhe presidenti i Këshillit të Evropës, Donald Tusk, kërkoi nga 28 vendet anëtare të BE-së që të ndajnë mjete për rindërtimin e Katedrales Notre Dame.
Ndërkohë nga ana tjetër, janë akorduar shuma marramendëse për rindërtimin e katedrales 850 vjeçare. Përvec markave të njohura Gucci dhe St. Laurent dhe një milliard francez Francois-Henri Pinault premtoi 100 milionë euro për të ndihmuar në rindërtimin e katedrales historike.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
