I shpëtoi atentatit me 8 të plagosur, lirohet nga burgu ‘i forti’...

I shpëtoi atentatit me 8 të plagosur, lirohet nga burgu ‘i forti’ i Shkodrës

132
0
Shares
Lulzim Kulla

Gjykata  e Gjirokastrës ka liruar biznesmenin shkodran, Lulzim Kulla, i njohur për atentatin me tritol që iu vu 6 muaj më parë.

BW shkruan se lajmi për lirimin konfirmohet edhe nga avokati Detar Hysi, pasi sipas tij nuk provohet fajësia. Kulla u arrestua pasi u kap ne Kakavijë me një dokument te falsifikuar.

LULZIM KULLA

42-vjeçari Lulzim Kulla i shpëtoi për mrekulli një atentati të 13 Janarit. Në atentat mbetën të plagosur 8 persona, mes tyre dhe vetë Lulzim Kulla.

Nga një operacion i gjerë i Policisë së Elbasanit në bashkëpunim me atë të Shkodrës janë vënë në pranga 7 persona, të cilët u dyshuan si autorët e shpërthimit të fuqishëm me moto-bombë në mes të Shkodrës, ku mbeti i plagosur rëndë , Lulzim Kulla, i cili ishte dhe shënjestra e atentatit.

Nga shpërthimi u dëmtuan disa biznese aty pranë. Në objektin ku iu vendos tritoli, Lul Kulla kishte në pronësi një lokal si dhe disa ambiente të dhëna me qira.

Lul Kulla është emër i njohur për policinë për shkak të të kaluarës së tij kriminale. Ai njihet si “i forti” i Shkodrës i cili nënshtroi tregtarët e këtij qyteti, duke iu marrë edhe bizneset, ndërsa dyshohet se ka marrë pjesë edhe në torturimin për vdekje të një personi në këtë qytetit, por për ngjarjen nuk është dënuar askush.

Në qershor të vitit të kaluar, Lul Kulla është arrestuar nga policia për kultivim kanabisi në zonën e Dukagjinit, në Shkodër. Ai është mbajtur në burg dhe është liruar pas gjashtë muajsh.

Lul Kulla pas vitit 1997 u kthye në makthin e tregtarëve dhe biznesmenëve në lagjen “Rus” të qytetit verior. Për shumë vite ai mbajti nën kontroll lagjen e famshme të Shkodrës, duke kontrolluar aktivitetin tregtar.

/DRONI.al/

Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/

loading...
Loading...

LEAVE A REPLY