Lirohen gjatë natës 12 ekstremistët grekë që bllokuan rrugën Gjirokastër-Kakavijë

Lirohen gjatë natës 12 ekstremistët grekë që bllokuan rrugën Gjirokastër-Kakavijë

56
0
Shares

Janë lënë të lirë në orët e para të mëngjesit 12 personat e shoqëruar mbrëmjen e djeshme në Policinë e Gjirokastrës.

Mësohet se ata janë lënë të lirë rreth orës 2:00  duke u proceduar penalisht në gjendje të lirë.

Mbi ekstremistin Babis Karathano rëndon vepra penale e kalimit të paligjshëm të kufirit, ndërsa për 11 të tjerët nxitje të urrejtjes dhe organizime të paligjshme të tubimeve masive.

Shkak u bë bllokimi për disa minuta i rrugës Gjirokastër-Kakavijë, por edhe  deklaratat antishqiptare të një dite më parë në ceremoninë e varrosjes së Kostandinos Kacifas ne Bularat.

Policia e Shtetit në një deklaratë për shtyp mbrëmjen e djeshme në lidhje me masat e marra për të garantuar mbarëvajtjen e ceremonisë mortore,tha:

“Në Pikën Kufitare Kakavijë, policia ka kryer kontrolle të imtësishme të personave të cilët vinin nga Greqia. Është ndaluar hyrja në Shqipëri për 44 qytetarë grekë, pasi kishte të dhëna që ata mund të krijonin incidente. Janë shoqëruar në ambjentet e Drejtorisë Vendore të Policisë Gjirokastër 12 shtetas. Ndaj personave të shoqëruar po kryhen veprimet e nevojshme proceduriale nga Prokuroria.Mes Policisë së Shtetit dhe Policisë Greke ka pasur një bashkëpunim të mirë për ndalimin e hyrjes së personave me prirje ekstremiste”.

/DRONI.al/

Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/

loading...
Loading...

LEAVE A REPLY