Akuzat për përdhunim, policia amerikane merr në pyetje Ronaldon

Policia amerikane ka njoftuar se do të marrin në pyetje Cristiano Ronaldon për akuzat se ai përdhunoi një modele në vitin 2009.

Zyrtarët e Las Vegas duan të pyesin ish-yllin e Manchester United rreth sulmit të supozuar seksual të Kathryn Mayorga, 34, në qershor 2009.

Një zëdhënës i policisë në Las Vegas i tha Mirror Online: “Sigurisht që nuk e dimë kur do të ndodhë … por në një moment do të duhet ta dëgjojmë atë”.

Ndërkohë, Ronaldo ka udhëtuar për në Lisbonë, për të folur me përfaqësuesit e tij ligjorë, për strategjinë që duhet ndjekë në lidhje me këtë çështje. Me shumë mundësi portugezi do t’u përgjigjet pyetjeve të policisë amerikane nëpërmjet një videokonference.

Çështja u rihap javën e kaluar. Në gusht modelja i tha policisë së Las Vegas që  të rihapte këtë rast duke dhënë më shumë detaje për pretendimet e saj.

Policia e Las Vegasit hodhi poshtë pretendimet e vajzës edhe për  një akuzë tjetër të avokatit të modeles amerikane, Lesli Stoval, atë të humbjes së provave të ngjarjes së vitit 2009, që ishin: veshjet e brendshme të saj dhe certifikata mjekësore.

Akuza erdhi pasi Ronaldo, i cili e mohon fuqishëm kërkesën, gëzonte kohë në një bar tavanë në Lisbonë, Portugali, me të dashurën e tij Georgina Rodriguez.

(Shkrimin e botuar në median e huaj e lexoni këtu)

/DRONI.al/