Operacioni i koduar “Coach”, i policisë italiane ka çuar në arrestimin e shqiptarit nga Kosova Xhafer Berisha 42 vjeç me akuzën e trafikut ndërkombëtar të drogës të tipit kokainë.
Sipas hetuesve italianë kosovari Berisha konsiderohet kapo i një grupi trafikantësh kokaine me veprim në rajonin e Reggio Emilias.
Xhafer Berisha është pronar i një lokali në Reggio Emilia e kishte ngritur një sistem të vërtetë sipërmarrje kriminale që punësonte si korrierë sezonal droge të rinj kosovarë, të cilët mbërrin në Itali me një vizë turistike 3 mujore, fitonin para e më pas ktheheshin në Kosovë para skadimit të qëndrimi të tyre 3 mujor.
Bashkë me kosovarin Xhafer Berisha janë arrestuar dhe dy persona të tjerë Fethi Stambali 39 vjeç e marokeni Redouane Nahi 37 vjeç.
Hetimet e këtij operacioni kanë zgjatur mbi 1 vit e janë vënë nën hetim dhe 7 persona të tjerë, anëtarë të bandës, disa prej të cilëve minorenë.
Pak kohë më parë si anëtarë të këtij grupi kriminal janë arrestuar dhe dy shqiptarët Arsid Subashi 30 vjeç e Dorian Cakri 29 vjeç.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
