“Kufijtë janë të vendosura me luftë. I qëndroj deklaratës sime, kufijtë nuk duhet të preken”. Këto vazhdojnë të jenë ende fjalët dhe deklaratat e kryeministrit të Kosovës në lidhje me çështjen e nxehtë të kufirit.
Këtë deklaratë, kryeministri Haradinaj e ka bërë nga qyteti bregdetar i Vlorës.
Këtë të mërkurë ishte vendosur zyrtarisht se kryeministri i Kosovës do të kryente një vizitë 1 ditore në qytetin e Vlorës.
Ai ka mbërritur në qytetin e Vlorës, nga ku do të zhvillojë disa vizita. Fillimisht ai është ndalur në bashkinë e qytetit, ku është pritur nga kryetari i Bashkisë, Dritan Leli.
Kryeministri i Kosovës, Ramush Haradinaj nuk ka parashikuar asnjë vizitë me zyrtarë të lartë të tjerë. Që pas debatit të fundit me Ramën prej shkurtit të këtij viti ku i kërkoi Ramës të merrej me problemet e veta në Shqipëri, të dy kanë shmangur takimin me njëri tjetrin.
I vetmi përfaqësues i qeverisë i cili ka qenë i pranishëm në pritjen dhe takimet që po zhvillon Haradinaj është vetëm ministri i Diasporës, Pandeli Majko.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
