FOTO/Berisha takim me delegacionin nga Presheva: Asnjë pëllëmbë tokë Serbisë

Ndaje

Ish-kryeministri Sali Berisha ka pritur sot delegacionin e Partisë Demokratike Shqiptare të Luginës së Presheves, të kryesuar nga zoti Ragmi Mustafa. Ata kanë folur rreth debatit që ka përfshirë së fundmi Kosovën, pas deklaratës së presidentit Hashim Thaci për ‘korrigjim të kufijve’ mes Kosovës e Serbisë.

Berisha u shpreh se Republika e Kosovës është shpallur dhe njohur si shtet i pavarur me kufijtë e saj aktual ndërkombëtar ndaj Serbia nuk ka asnjë të drejtë dhe nuk duhet t’i njihet asnjë e drejtë për të pretenduar qoftë edhe një pëllëmbë tokë të territorit të Kosovës.

”Të pranosh idenë e ndarjes së Kosovës në një mënyrë apo në një tjetër mbështet idenë dhe përpjekjen e Beogradit për Serbinë e Madhe në kurriz të Kosovës. Në rajonin tonë tha ai zona me tre komuna minoritare si Mitrovica janë disa dhe hapja e një precedenti që kerkojnë serbet në Mitrovicë do minonte paqen dhe stabilitetin në mbarë rajonin.” – është shprehur ish kryeministri.

Në këtë takim zoti Mustafa e njohu ish kryeministrin me gjendjen e rëndë të shqiptarëve në komunat e Preshevës, Bujanovcit dhe Medvegjës, shkeljen e lirive dhe të drejtave të tyre njerëzore. Për këto qëllime, u shpreh Mustafa, Beogradi ka bërë gati ligjin e ri albanofob serb për heqjen e monumenteve dhe përmendoreve historike të shqiptarëve në Luginën e Preshevës dhe në Pazarin e Ri në kuadrin asimilimit të minoriteteve.

Nga ana e tij Berisha u shpreh se është kategorikisht kundër dhe se ka bindje se këto përpjekje destabilizuese të Serbisë do të dështojnë. Ai theksoi se çdo marrëveshje dhe çdo zgjidhje duhet të jetë një marrëveshje midis dy vendeve të pavarura që njohin dhe respektojnë integritetin territorial të njëri – tjetrit.

loading...
Loading...

Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/

Leni një përgjigje