Familjarët e adoleshentit që gjeti vdekjen i qëlluar me thikë nga një 17-vjeçar vetëm pas sherrit për një “pse me sheh”, dënojnë ashpër ngjarjen e rëndë ku humbi jetën djali i tyre. Xhaxhai i viktimës, Frrok Gjokazaj, tha se për lajmin e rëndë ishin informuar nga të afërmit e tyre, të cilët e kishin parë në televizor.
“Nuk di çfarë të them. S’ka dhimbje më të madhe se kjo. Na iku djali në kulmin e moshës. Nuk di çfarë ka ndodhur. Dimë çfarë kemi dëgjuar nga televizori. Na thanë se Anxhelo është në spital, pasi ishte plagosur. Rendëm menjëherë në spital.
Nuk na lanë të futeshim ta shikonim djalin, pasi ishte futur në sallën e operacionit. Më pas na thanë mjekët se nuk mundi t’u mbijetonte plagëve të marra. E kishte goditur tri herë me thikë. Një prej goditjeve i kishte prekur zemrën.
Jemi shumë të tronditur dhe njëkohësisht të pikëlluar. Nuk dimë çfarë të themi. Djali ishte i urtë dhe s’na kishte krijuar kurrë probleme. Kishte shkuar pak minuta me vonesë sot në shkollë dhe zysha e kishte nxjerrë përjashta.
Ai kishte ardhur në lagje dhe ishe konfliktuar me këtë personin, që unë as që e kam idenë se kush është. Asgjë nuk e zvogëlon dhimbjen tonë, por kërkojmë drejtësi. Autori duhet të marrë dënimin e merituar”, është shprehur xhaxhai i viktimës.
Adoleshenti që humbi jetën, Anxhelo Gjokazaj dhe ka qenë nxënës në shkollën profesionale “Hysni Çela”, ndërsa 17-vjeçari Devi Lala i cili e qëlloi me thikë, nxënës në shkollën “Naim Frashëri”, shkollë kjo e ndodhur pranë shkollës profesionele.
Po ashtu mësohet se e ka qëlluar tre herë më thikë në një shpatull dhe thika i ka prekur zemrën. Po ashtu autori e ka qëlluar edhe dy herë në bark, mësohet të kenë thënë mjekët.
E ndërsa familjarët e Gjokazajt janë informuar nga të afërmit për ngjarjen dhe mësohet të kenë shkuar menjëherë në spital ku e kanë gjetur 16-vjeçarin në gjendje kritike për jetën.
“Nuk kishim dijeni për ndonjë konflikt të Anxhelos, jemi të shokuar. Nuk dimë çfarë të themi” ka qenë reagimi i familjarëve.
Që të dy adoleshentët janë banorë të Spitallës në Durrës.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
