VIDEO/ “Tirona Fanatics”, protestë në sheshin Skënderbej, refuzon stadiumin

“Tirona Fanatics” refuzoi të futej sot në tsadium pasi policia kërkoi sërish karta e identitet në hyrje të stadiumit. Ata nuk paraqitën dokumentin dhe u kthyen në sheshin sëknderbej ku edhe protestuan kundër policisë si dhe presidentit të klubit Refik Halili.

Ata kishin përgatitur edhe një banderolë ndaj presidentit Halili, të cilën në pamundësi për ta shpalosur brenda stadiumit, e kanë hapur teksa gjendeshin të gjithë grup, në sheshin “Skënderbej”.

“Tirona Fanatics, sot, ka vendosur te mos hyj ne stadium, per shkak se ne momentin e mberritjes se kortezhit tek dera e stadiumit na eshte komunikuar kerkesa per karte identiteti, kerkese kjo qe bie ndesh me parimet dhe rregullat e tifogrupit.

Rregulla dhe parime qe jane ndjekur me fanatizem qe prej dates se pare te krijimit! Ne kurrsesi nuk do te ndalojme ketu, PERKUNDRAZI! Me poshte eshte video e paraqitjes se sotme. Bashke mo te forte. Tirona Fanatics est06”, thuhet në njoftimin e grupit.

Dy ditë më parë grupi i tifozave të Tironës kishte njoftuar protestën.

“Te dielën ndeshja e rradhës, njëkohesisht paraqitja e parë për vitin 2018. Orari, dita apo emri i ekipit ndaj të cilit luajmë për ne nuk ka rëndësi!

-Për ne e rëndësishme është prezenca e palëkundur kundër këtij “klubi amator” dhe një ish-presidenti DESHTAK!
E rëndësishme për të gjithë ne është arritja e objektivit, që është një dhe një i vetëm:

-Largimi i Refik Halilit nga çdo funksion drejtues i Sport Klubit.

Ashtu dhe sic u lajmerua, TF këtë ndeshje do të organizoj kortezh.
Nisja e kortezhit do të bëhet ne 12:45 tek ‘Opera”, ne qëndër të kryeqytetit.(Të gjithë me të zeza). është e rëndësishme për cdo antar dhe tifoz Tirone të jetë prezent!  Tirona ra por kurrë nuk do të jetë vetëm! Bashkë kundër të gjithve!”, thuhet në njoftimin e grupit të tifozëve.

/DRONI.al/