Një javë më parë, duket vetëm Sadri Abazi e kishte lexuar Ben Blushin që fliste për “kanabistë e krenaristë”. Dhe jo vetëm e kishte lexuar, por edhe reagoi pas saj, duke deklaruar se “Blushi është i vogël për të thënë gjëra të mëdha. Ai paguhet për përfaqësimin e elektoratit, por bën zhurmuesin dhe lojën e Berishës”.
Por sot, pas 119 pyetjeve ende pa përgjigje të Ben Blushit, jo vetëm që duket se e kanë lexuar të gjithë, por janë në garë, kush të reagojë më parë. Çuditërisht në këtë garë sot, mungon Sadri Abazi…, por jo Taulant Balla.
E pra, Taulant Balla një javë më parë bënte indiferentin e mospërfillësin kur deklaronte se “Nuk kam kohë të humbas me shkrimet. Duhet ndonjë për hudhër…, por sot jo vetëm e kishte lexuar, por edhe mori mundimin të ragonte gjerë e gjatë, por që në thelb nuk ishte asgjë më shumë se deklarata racionale e Sadri Abazit një javë më parë…, shtuar këtu edhe mospërgjigje nga ana e Taulant Ballës për asnjë nga 119 pyetjet e Ben Blushit.
… Kishte reaguar sot edhe Erion Braçe… Gjerë e gjatë edhe ai, por jo aq gjatë sa si “një socialist” të cilit ishte adresuar letra kolegut të tij deputet socialist, të jepet përgjigje për 119 pyetjet e Ben Blushit. Ndaj edhe i kishte përzgjedhur pyetjet, për pasojë edhe përgjigjet, që nuk e kalonin numrin 9. Por edhe këto përgjigje dukej që ishin të sforcuara…, aq sa i vetmi burim “kundërshtues” në 9 përgjigjet e tij përballë 119 pyetjeve të Ben Blushit, ishte INSTAT-i…
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
