GRABITJA – EMRAT/ Arrestohet në Morinë nipi i Admir Muratajt, në pranga edhe vëllai i tij

Admir Murataj

Dy persona të tjerë janë arrestuar, nën dyshimin se është bashkëpunëtor në grabitjen e 3.2 milionë eurove më 9 shkurt në rrugën e Rinasit. Bëhet fjalë për vëllanë dhe nipin e Admir Muratajt. Vëllai i tij, Cen Murataj, ishte i shoqëruar prej 3 ditësh, por sot prokuroria ka lëshuar urdhër-arrestin.
Në shtëpinë e tij u gjet një sasi e parave të grabitura të enjten e kaluar ne rrugën e Rinasit.  Ndërsa nipi i kreut të bandës, Erdon Murataj u kap në doganën e Morinës. Ai është ndaluar nga policia kufitare teksa po hynte nga Kosova, pasi ka qene i shpallur në kërkim policor, me kartele rozë në sistemin e policisë.
Burime nga grupi hetimor thanë se ekzistojnë prova të pakundërshtueshme që e implikojnë edhe atë në këtë grabitje.
Por për shkak të hetimit, hetuesit rezervohen në dhënien e informacionit për rolin qe ka pasur Erdon Murataj në grabitjen e 9 shkurtit, në grupin që drejtohej nga xhaxhai i tij.
Policia po e kërkon Admir Muratajn në Dibër, pasi besohet se fshihet së bashku me shtetasin Admir Çerpja, edhe ai i shpallur në kërkim si anëtar i grupit të grabitësve.
Hetimet për Admir Muratajn janë shtrirë edhe në Greqi, ku policia shqiptare po bashkëpunon me partnerët prej disa ditësh për këtë çështje.
Ai ka qenë i dënuar në Greqi për grabitjen e 1 milionë eurove në bankën e Larisës dhe është arratisur në vitin 2013 së bashku me 11 persona të tjerë, anëtarë të bandës së Ilir Kupës, i cili gjendet në burg, së bashku me disa anëtarë të grupit të njohur si Babagjyshët, përgjegjës për disa grabitje dhe për vrasje.

_items_list_header
Asnjë rezultat i gjetur!

Nonprofit media laboratory

Copyright ©. Te gjitha te drejtat e rezervuara.
Ndalohet rreptesisht prodhimi i faqes dhe pjeseve te saj pa marre te drejten me shkrim te autorit.