FOTO/”Më dhemb trupi”, Biznesmenia nga Lazarati flet nga spitali dhe tregon si u dhunua nga nipi

Ndaje

Biznesmenia e dhunuar në Lazarat, 48-vjeçarja Lavdije Buzheri, ka folur nga spitali, pas traumës qe kaloi nga dhuna e nipit të saj.

Biznesmenia Buzheri u dhunua nga nipi i saj, Alfons Buzheri, i cili ka qenë i dënuar në 2004 për kundërshtim të forcave të policisë, pasi i ka qëlluar me armë, edhe për kultivim të bimëve narkotike, por që ka dalë nga burgu prej dy vitesh.

Për mediat, ajo ka treguar se ka dhimbje trupi, ndërsa tregon dhe shenjat e nxira në këmbë.

Më kapi më mbërtheu dhe më kërkoi të dal jashtë. I thashë nuk po bëj asgjë të keqe, thjesht jam në punën time, në zyrën time. Filloi të më qëllojë, të më zhveshë rrogat, të mi grisë. Qëlloi ku të mundte me shqelma, me grushte. Në prezencë ishte edhe vëllai i tij, i cili bënte sehir sesi ai më qëllonte, më dhunonte. 

Më qëlloi sa më qëlloi, pastaj mora telefonin që të merrja policinë, por ma bëri copë-copë. Ai doli jashtë të fliste në telefon, ndërsa unë mora rrobat të shqyera, i vesha dhe dola jashtë. I foli policit të më mbyllte derën që të mos dilja jashtë. Më mbërtheu prapë, por arrita të ikja dhe dola tek dera. 

Pastaj së bashku me policin zunë derën, tentova të hap derën por nuk e hapën. Nga tronditja më ra të fikët, nuk e di çfarë ndodhi më pas. U zgjova pasi më hodhi ujë dhe e hapi derën. Siç isha në atë gjendje ngrihem dhe iki në shtëpi”,-ka rrefyer ajo për Ora News.

//DRONI.al/

Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/

Loading...

Leni një përgjigje