Rrufe dhe shtrëngata shiu, ja çfarë ndodh me motin nesër

Rrufe dhe shtrëngata shiu, ja çfarë ndodh me motin nesër

125
0
Shares

Reshje të dendura shiu dhe përmbytje. Ky është parashikimi i IGJEUM për mbrëmjen e sotme dhe ditën e nesërme.

Sipas buletinit që publikon instituti në fjalë, qarqet më të rrezikuara janë Shkodër, Kukës, Vlorë dhe Gjirokastër.

IGJEUM shton më tej se, veçanërisht sot në mbrëmje dhe nesër mund të paraqiten probleme në zonat urbane, kjo në varësi të gjendjes së rrjetit të kanalizimeve, përcjell Syri.net.

Ja çfarë thuhet në buletininin e IGJEUM, Instituti i Gjeoshkencave, Energjisë, Ujit dhe Mjedisit

RESHJET

Sot pasdite (e diel dt.03) dhe nesër (e hënë dt.04) priten reshje shumë intensive në qarqet Shkodër, Kukës, Vlorë dhe Gjirokastër, intensive në qarqet Lezhë dhe Berat, ndërsa mesatare në të gjitha qarqet e tjera.

Intensiteti i reshjeve do të vijë duke u rritur gjate pjesës së parë të ditës së nesërme dhe zvogëlohet gradualisht gjatë pjesës së dytë të saj.

Reshjet do të të shoqërohen edhe me shtrëngata në të gjitha qarqet.

PARASHIKIM PËR PËRMBYTJE:

Për shkak të intensitetit të lartë të reshjeve të parashikuara pothuajse në të gjithë territorin, ekziston mundësia e vërshimeve të shpejta.

Gjithashtu, veçanërisht sot në mbremje (e diel dt.03) dhe nesër (e hënë dt.04) mund të paraqiten probleme në zonat urbane, kjo në varësi të gjendjes së rrjetit të kanalizimeve. Më të rrezikuara nga vershimet e shpejta janë sidomos qarqet Shkodër, Kukës, Lezhë, Vlorë dhe Gjirokastër.

/DRONI.al/

Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/

loading...
Loading...

LEAVE A REPLY