Rivali i Bashës? Ja si përgjigjet Agron Shehaj

Ndaje

Në intervistën për gazetën Mapo, Agron Shehaj ka folur për herë të parë pas disa artikujve në media, që e cilësojnë si rival të Bashës, për të marrë drejtimin e Partisë Demokratike.

Ju thoni që Lulzim Basha ka marrë vendime kurajoze që i kanë shërbyer interesit publik, por ndërkohë atë e kritikojnë madje ka zëra që kanë kërkuar largimin e tij. Madje në një artikull të djeshëm një gazetar kishte hedhur emrin tuaj si pasardhës të mundshëm të tij?

Unë mbështes pa asnjë rezervë Lulzim Bashën dhe jam i bindur se PD do të vijë në pushtet nën drejtimin e tij.

Me Lulzim Bashën kryeministër do të ndërmerret një transformim i thellë i ekonomisë për të kthyer lirinë e tregut, konkurrencën e ndershme dhe mundësitë e sipërmarrjes në Shqipëri.

Nga ana personale, unë jam në politikë falë Lulzim Bashës, i cili më hapi dyert e Partisë Demokratike dhe më mundësoi të bëhesha deputet pa pasur asnjë kontribut të mëparshëm në politikë.

I jam mirënjohës për këtë besim dhe nga ana ime i kam dhënë mbështetjen time modeste gjatë këtyre dy viteve.

Shpresoj shumë që me aktivitetin tim t’i kem shërbyer sa më shumë qytetarëve, interesit publik dhe Partisë Demokratike.

Loading...

Leni një përgjigje