Tiranë/Arrestohen 5 policë, zbuloni arsyen

Tiranë/Arrestohen 5 policë, zbuloni arsyen

91
0
Shares

Një hetim i Shërbimit të Kontrollit të Brendshëm të Burgjeve ka zbuluar se 5 efektivët e burgjeve nuk kanë kryer në mënyrë korrekte detyrën e tyre, atë të kontrollit të të paraburgosurve dhe të dënuarve.

Pesë policë të burgjeve u vunë në pranga për shpërdorim detyre.
Për çfarë shkelje bëhet fjalë konkretisht?
Një i paraburgosuri, Dritan Velaj 30- vjeç ka pasur celular me vete në momentin që ka kaluar nga Burgu i Peqinit në burgun 313 në Tiranë, ku gjatë transportit ka kaluar 3 kontrolle.

Bashkë me 5 policët e burgjeve, në pranga ka rënë edhe vetë i paraburgosuri për mbajtjen e sendeve të paligjshme. Efektivët e arrestuar, në ushtrim të detyrës së tyre kanë kryer kontroll ndaj të paraburgosurit, por nuk kanë raportuar t’i kenë gjetur atij sende të paligjshme. 30-vjeçarit i është gjetur celulari gjatë kontrollit të fundit në burgun 313. Në këto kushte është bërë arrestimi në flagranc i 5 efektivëve operacional.

Të arrestuarit janë me inicialet: A.O, L.C, B.K, D.Q, K.H, efektivët e rolit bazë në forcat operacionale, të cilët kanë konsumuar veprën penale të shpërdorimit të detyrës.

Kujtojmë që më herët nga ana e Hetimit në SHKBB janë bërë edhe arrestime të tjera në saj të rritjes së kontrollit në sistemin penitenciar. Disa javë më parë nga ky sektor u godit fenomeni i mbajtjes së telefonave në qeli, në IEVP Rogozhinë, si dhe në IEVP Peqin u arrestuan 6 efektivë të tjerë policie.

Kush është Dritan Velaj
Në korrik të këtij viti, Dritan Velaj 30 vjeç qëlloi me sëpatë babain e tij 67 vjeçar.

Dritan Velaj, njihet si person që ka ushtruar edhe më parë dhunë mbi familjarët e tij dhe që ka bërë edhe një vit burg. Pasi goditi me sëpatë babain e tij duke e lënë të plagosur në gjendje të rëndë, 30-vjeçari u arratis por u kap pak pas ngjarjes nga një patrullë e policisë që u vu në ndjekje të tij.

/DRONI.al/

Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/

loading...
Loading...

LEAVE A REPLY