Pranga shqiptarëve, vodhën banesat e futbollistëve të njohur, tentuan edhe shtëpinë e deputetes

Policia greke ka shkatërruar një bandë hajdutësh shqiptarë të cilët vidhnin shtëpi luksoze, kryesisht të futbollistëve.

Mediat greke raportojnë arrestimin e një burri dhe gruaje, 34 vjeç dhe 35-vjeçe, ndërsa paralelisht janë identifikuar dhe shpallur në kërkim edhe tre shqiptarë të tjerë, të cilët dyshohen se janë pjesë e grupit që kryente vjedhje.

Mësohet se të arrestuarit përpara se ti futeshin “sportit” të vjedhjes kishin punuar në duralumin.

“Ky ishte një avantazh që ata të vepronin shpejt dhe pa mundim” tha një oficer i sektorit të sigurisë së Atikas.

Viktima të vjedhjes një deputete dhe pronari i anijeve

Deputetja e Demokracisë së Re Sofia Voultepsi dhe një pronar i njohur i anijeve në jug ishin në mesin e viktimave që ranë pre e vjedhjes nga banda shqiptare.

Përveç tyre edhe futbollistët e huaj të Olympiakos. Anëtarët e bandës kishin njohur për hapjen e dritareve dhe dyerve të ballkoneve me një prekje të thjeshtë ….

Dhjetorin e kaluar, zonja Sofia Voultepsi u ankua në polici se hajdutët kishin tentuar të hynin në shtëpinë e saj në Koropi.

Për arsye të panjohura, hajdutët  nuk arritën të thyejnë shtëpinë e deputetes dhe u larguan me duar bosh.

E kundërta ndodhi kur zgjodhën shtëpinë luksoze të një pronari të njohur anijesh në rrethinat jugore. Ata ishin me fat dhe arritën të merrnin sende të çmuara brenda.

Strategë të mirë

Rastet e përsëritura të vjedhjeve në shtëpitë e lojtarëve të Olympiakos, kishin alarmuar lojtarët e huaj, shumë prej të cilëve kishin edhe familjen me vete.

Administrata e klubit përforcoi me roje private shtëpitë e tyre, kryesisht në mbrëmje.

Anëtarët e  bandës megjithatë, kishin hartuar një plan shumë të zgjuar.

Vepronin ndërsa futbollistët largoheshin për stërvitje dhe derisa ktheheshin në shtëpitë  e tyre.

Për të mos rënë në sy ata merrnin me qira makina luksoze, duke i ndërruar çdo javë.

Kur futbollistët ishin në stërvitje apo ishin të angazhuar me ndeshje, fusha ishte e gjitha e lirë që ata të kalonin në aksion.

Policia ka thirrur futbollistët për të dëshmuar, por shumica e tyre janë me pushime ose janë larguar nga Greqia.

Në ditët në vijim pritet të publikohen fotot e të arrestuarve, të cilët do të dalin para hetuesit të premten.

Vlen të përmendet se gjatë vjedhjeve ata ishin shumë të kujdesshëm në lëvizjet e tyre, përdornin doreza dhe mbulonin fytyrën. Për komunikim përdornin numra me pagesë të regjistruar  në emër të qytetarëve të huaj që nuk ekzistojnë.

Ata ishin selektiv në lagjet e banimit dhe gjatë vjedhjes nuk shkaktonin trazira dhe rrëmujë. Shënjestër e tyre ishin bizhuteritë e shtrenjta, orat me vlerë të madhe veshje të  markave dhe çanta për femra dhe  paratë. Në një rast mësohet se ata kishin marrë një kasafortë me para.

Arrestimet dhe lojtarët viktima

Më 2 qershor në mesditë, pas një operacioni të koordinuar në në rajonet Koropi dhe Zografou u arrestuan një 34 vjeçar dhe një grua 35-vjeçare, anëtarë të organizatës kriminale,  ndërsa u u identifikuan dhe shpallën në kërkim edhe tre bashkëpunëtorë të tyre.

Ata akuzohen për veprat penale organizatë kriminale dhe  vjedhje e kryer në bashkëpunim.

Të pandehurit të paktën nga tetori i vitit 2017, kishin ngritur një organizate kriminale duke kryer në mënyrë sistematike vjedhje në shtëpitë luksoze dhe apartamentet në rrethinat jugore.

Ata dukej se kishin preferencë për klubet e futbollit, në mënyrë të veçantë shtëpitë  e futbollistëve të Olympiacos dhe kontretisht:

-Bibras Natkho- Olympiacos

-Pape Abou Cissé- Olympiacos

– Emmanuel Emenike- Olympiacos

-Omar Elabdellaoui- Olympiacos

– Vadis Odjidja-Ofoe- Olympiacos

– Mehdi Carcela- Olympiacos

-José Sá- Olympiacos

-Matías Nahuel- Olympiacos

-Sergio Araujo-ΑΕΚ

/DRONI.al/