Basha në Londër: Në Shqipëri është marrë peng parlamenti, ka padurim për ndryshim

Ndaje

Kryetari i Partisë Demokratike, Lulzim Basha po zhvillon në këto momente një takim me komunitetin shqiptar në Londër.

Duke i falënderuar për pjesëmarrjen masive, Basha tha se në Shqipëri po zien vullkani i zemërimit kundër qeverisë dhe se “zemërimi është i ligjshëm sepse është marrë peng parlamenti, duke marrë peng parlamentin, merret peng qeverisja, duke shkaktuar krizë të thellë ekonomike”

“Mirënjohje te thellë per pjesëmarrjen masive dhe entuziaste qe më nderoni mua dhe delegacionin qe me shoqeron ne Londer. Dhe t’ju them se e ndjeva kete mikpritje te ngrohte qe ne oret e para te fluturimit nga Tirana ne Londer, qe kur mberrita ne aeroport i rrethuar nga dhjetera bashkatdhetarë. Te gjithë, ndryshe nga më parë, ishin plot shpresë e besim se rrugëtimin që kemi nisur do ta çojë Shqipërinë në një ndryshim historik e demokratik që do të përmiresojë jetën e shqiptarëve ne Shqipëri e kudo ku ata jetojnë. Në vetvete përbën nje frymëzim të jashtëzakonshëm per opozitën. Vendosmëria, entuziazmi dhe shpresa qe e kam prekur kudo në Shqipëri, e gjeta edhe me të ndezur tek shqiptarët e Londrës.

Ka një padurim të madh që ndryshimi të ndodhë sa më shpejt, jo për të ardhur PD në pushtet, por për të patur të gjithë mundësitë për të jetuar përmes punës së ndershme. Kjo është beteja që luftojmë sot. Ata që mendojnë se kjo është luftë për pushtet, ndodhen vetëm në sipërfaqen e një vullkani zemërimi që zien shumë thellë.

Si ka mundësi 30 vjet ne jemi të fundit, sepse me gjasa edhe Maqedonia do të nisë bisedimet?

Si ka mundësi që pas 30 vjetësh shqiptarët e kërkojnë ende fatin jashtë vendit? Zemërimi është i ligjshëm sepse është marrë peng parlamenti, duke marrë peng parlamentin, merret peng qeverisja, duke shkaktuar krizë të thellë ekonomike”

Loading...

Leni një përgjigje