Një goditje e madhe përsa i përket trafikut të drogës u bë sot nga forcat e anti-drogës në Greqi.
Një superoperacion i policisë greke ka arritur të shpërbëjë tre organizata kriminale që vepronin në Athinë, në të cilët kishte edhe shqiptarë.
U arrit çmontimi i tre grupeve të organizuara kriminale që vepronin kryesisht në zonën qëndrore të Athinës. Falë këtij operacioni të policisë helene u sekuestruan sasi të mëdha të heroinës, kokainës dhe kanabisit të papërpunuar.
Sipas mediave fqinje, gjatë këtij operacioni, janë arrestuar 5 shqiptarë nga mosha 28 deri në 53 vjeç.
Mësohet se heroina vinte nga Irani dhe kishte si destinacion tregun ballkanas. Nga informacionet e para sipas mediave greke, tregohet se janë sekuestruar rreth 818 kg kanabis i papërpunuar, 44.5 kg heroinë me një vlerë rreth 1milion euro, si dhe 7.5 kg kokainë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
