FOTO/Besa Shahini nuk vonon vendimin, emëron rektorin e përkohshëm pas pezullimit të Konit

Ndaje

Ministrja e Arsimit, Besa Shahini nuk ka vonuar të caktojë emrin e ri të rektorit të Universitetit të Tiranës.  Pas pezullimit nga detyra të Mynyr Konit, mësohet se  është emëruar përkohësisht Bernard Dosti, i cili mbante postin e zv.rektorit të UT.

Koni u pezullua nga Shahini më 12 prill, pasi sipas ministres Shahini ai është shkaktar i moszbatimit të ligjit të Arsimit dhe ngërçit të krijuar në Universitetin e Tiranës.

Më heret dhe Kryeministri Rama e bëri objekt të deklaratave të tij, ndërsa Koni i ktheu përgjigje me një reagim publik në rrjetet sociale.

Pas akuzave të bëra nga kryeministri i Shqipërisë në adresë të tij, Mynyr Koni  shkruante se  sulmet dhe akuzat e shefit të qeverisë shqiptare janë të papranueshme dhe të paprecedenta.

Loading...

Leni një përgjigje