DETAJE/Të shtënat me armë në Fier, makina ishte e vjedhur, personat dyshohet...

DETAJE/Të shtënat me armë në Fier, makina ishte e vjedhur, personat dyshohet të mos jenë nga Fieri

40
0
Shares

Zbardhen detaje të reja nga të shtënat me armë të regjistruara mbrëmjen e djeshme në afërsi të vendit të quajtur “Kryqëzimi i Parkut” në Fier.

Më herët policia njoftonte se makina tip “BMW” u gjet e djegur me targa false të një automjeti tjetër të tipit “Renault”, ndërsa sot mësohet se mund të jetë e vjedhur në Elbasan.

Automjeti është gjetur në një rrugë dytësore pranë kryeqëzimit të Shinave të Trenit në Fier, çka tregon që personat ende të paidentifikuar që kanë shtënë dhe më pas kanë sjellë automjetin në këtë zonë mund të mos jenë nga qyteti i Fierit sepse segmenti rrugor ku ata kanë dashur pra të kalojnë është një rrugë pa krye, çka tregon  që mund të mos e njohin mirë këtë zonë.

Subjekti tregtar mbi të cilin u qëllua me armë nuk ka pësuar dëme në ndërtesë por nga të shtënat është dëmtuar vetëm një automjet, i cili ndodhej i parkuar në oborrin e tij.

Eshtë ngritur grupi hetimor dhe po punon për zbardhjen e plotë të kësaj ngjarje, identifikimin dhe kapjen e autorëve.

/DRONI.al/

Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/

loading...
Loading...

LEAVE A REPLY