Ndeshja e së dielës mes Rennese dhe Paris Saint-Germainit, përfundoi me fitoren e skuadrës nga Parisi me rezultatin 3-1 në kuadër të Ligue 1.
Neymari u zëvendësua në minutën e 90’ të ndeshjes për t’ia lërë vendin Christopher Nkunkus, mirëpo deri sa doli nga fusha një fëmijë u fut në fushë, transmeton Gazeta Express.
Fëmija filloi të qante kur e pa nga afër Neymarin, i cili me ngrohtësi e përqafoi djalin, dhe nuk e lejoi ekipin e sigurimit që ta largojnë atë nga fusha.
Ylli brazilian ia dha në fund fanellën e tij, e fansi i tij i vogël filloi të qaj edhe më shumë duke e përqafuar pastaj fanellën e idhullit të tij.
Neymari në kohët e fundit ka marrë urrjetje dhe përqeshje të shumta nga publiku i futbollit për shkak të simulimeve të tij, mirëpo me këtë gjest që e ka bërë ai ka treguar se është një njeri i dashur. /Gazeta Express/
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
