Çfarë ndodhi në mbledhjen urgjente të qeverisë, studentët shtojnë dhe pikë tjetër...

Çfarë ndodhi në mbledhjen urgjente të qeverisë, studentët shtojnë dhe pikë tjetër në kërkesat e tyre

350
0
Shares

Pas një njoftimi nga zyra e Kryeministrisë se kreu i saj ka urdhëruar shkarkimin e anëtarëve të qeverisë në Bordet e Administrimit, po prapë kjo zyrë ka mohuar këtë lajm duke zbardhur të vërtetën.

Sipas Kryeministrisë, nuk është kërkuar që të shkarkohet asnjë anëtar dhe të merret asnjë vendim pa arritur dialogun. Ajo çfarë ka ndodhur në mbledhjen e qeverisë, ka qënë që  Ministri Ahmetaj ka kërkuar shkarkimin e drejtorëve të Konviktit deri në orën 14:00, dhe ka qënë Rama i cili ka kërkuar ti japë ai urdhërat e shkarkimit.

Kryeministri ditën e sotme ka mbledhur me urgjencë këshillin e ministrave dhe i vetmi njoftim që doli për mediat, ishte ai për ngritjen e grupeve të punës që të arrihet dialogu.

Kryeministri është gati që të nisë zbatimi për të 8 pikat me të nisur dialogu.

Drafti i uljes së tarifave shkon përtej kërkesës së studentëve dhe pret firmën e Ramës. Po ashtu është punuar për të gjitha pikat e tjera, në pritje të studentëve që duan të dialogojnë. Burimet konfirmojnë gjithashtu se pa u hapur dialogu, kryeministri nuk ka ndërmend të lëvizë nga pozicioni i tij.

STUDENTËT

Edhe pas këtyre tentativave të kryeministrit, studentët nuk janë tërhequr dhe shprehen se nuk do të ketë negociata dhe as dialog pa plotësim të kushteve të tyre. Madje në kërkesën prej 8 pikash, ata kanë shtuar dhe një të 9.

‘Hiqni procedimet penale për studentët’ bëjnë thirrje. Ata madje shprehen se nuk kanë frikë as nga procedimet penale.

Së fundmi, mësohet se ata do të protestojnë ditën e nesërme para Parlamentit. /DRONI.al

/DRONI.al/

Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/

loading...
Loading...

LEAVE A REPLY