‘Plas’ kryeson Këngën Magjike, ja kujt ia dedikon Flori Mumajesi këtë fitore

Nuk ishte totalisht e papritur fitorja e Flori Mumajesit në këtë edicion të Kënga Magjike.

Mumajesi rrëmbeu çmimin e parë me më shumë se 1000 vota nga kolegët artistë të tij.

Por fati i Florit dihej që në javët e konkurrimit, sapo ai prezantoi këngën e tij. Flori mori pëlqimin e publikut dhe këtë e vërtetoje lehtësisht me klikimet dhe shpërndarjet e këngës në Internet.

Një baladë e ndjerë ‘Plas’, të cilën nuk e dimë se kujt ia kushton, por dimë vetëm të themi që Flori përpos renditjes të tij në vend të parë, arriti të tregonte që çdo këngë që ai realizon, arrin të kryesojë.

Ishin dhe shumë këngëtarë të tjerë, të cilët kishin realizuar këngën në studion e tij, dhe mbanin emrin e ‘Three Doots Production’, si Ronela Hajati, Kejsi Tola, Artiola Toska etj të cilët  u renditën në top 10.

Prandaj kur themi që Flori dihej që do të fitonte, e kishim për cilësinë e këngëve të tij.

Flori ia dedikon këtë fitore, publikut të tij, për të cilin u përul duke e falenderuar për dashurinë e madhe. Kështu shkruan ai në postimin e tij në Instagram.

Në vend të dytë u shpall Aurela Gaçe dhe Eli Fara me këngën “Zemra Rratatata”. Ndërkohë Fifi dhe Mc Kresha fitues të çmimit të tretë me këngën “Psikopatia ime”.

Lista e plotë të fituesve në “Kënga Magjike 2018”:

Vokali më i bukur femëror – Venera Lumani

Grupi më i mirë – Revolt Klan

Çmimi i Televizionit Klan – Klajdi Haruni

Çmimi për artistin/en më të mirë – Wendi Mancaku

Çmimi ‘Çesk Zadeja’ – Erik Lloshi

Çmimi stil – Rovena Dilo dhe Onati

Dueti më i mirë – Flori Nazifi dhe Inis Neziri

Më të votuarit në ueb-faqe – Fifi dhe MC Kresha

Çmimi i produksionit Jon Music – Kejsi Tola

Çmimi i kritikës – Rozana Radi

Vokali më i mirë mashkullor – Mentor Haziri

Çmimi ‘Magjia e parë’ – Olsi Bylyku dhe Lorenc Hasrama

Çmimi i RTV21 – Ardit Çuni dhe Daniela Toçi

Çmimi ‘Best to invest’ – Krusita

Çmimi EtnoTrend – Artiola Toska dhe Bruno

Performanca më e mirë – Ronela Hajati

Çmimi i Interpretimit – Era Rusi

Çmimi për Baladën më të mirë – Flori Mumajesi

Kënga hit – Aurela Gaçe dhe Eli Fara

/K.Balliiu/Droni.al

/DRONI.al/