Ish-ministri Mediu/”Ngritja e qendrës për luftëtarët e ISIS vendos sigurinë kombëtare në rrezik”

Ndaje

Ish- ministri i Mbrojtjes, Fatmir Mediu reagon në lidhje me lajmin se në Shqipëri mund të ngrihet një kamp pritjesh për refugjatët.

Ai shprehet se çdo ide për të ngritur një qendër në Shqipëri për rehabilitimin, grumbullimin e Foreign Fighters të ISIS të kthyer nga Siria, apo qendër refugjatësh është një hap shume i rrezikshëm i pamenduar dhe kërcënues për Shqipërinë dhe rajonin.

Sipas tij sot siguria jonë kombëtare është më e rrezikuar se kurdoherë, ndaj Presidenti Meta duhet që urgjentisht të kërkojë të gjithë informacionin për këto lajme, qëndrime apo larg qoftë vendime të Ramës.

Reagimi i plotë:

Pjesëmarrja e Shqipërisë në luftën kundër terrorizmit si vend anëtar i NATO-s është domosdoshmëri dhe për më tej një nevojë e brendshme, duke konsideruar faktin se ka pasur rreth 140 Foreign Fighters të ISIS nga Shqipëria që kanë shkuar drejt Sirisë.

Kjo tregon se ka pasur dhe ka një terren konkret të rekrutimit dhe veprimit të strukturave terroriste dhe lidhjeve të tyre në vend.

Ndalimi para disa kohesh i aktit terrorist kundër ekipit kombëtar të Izraelit tregon qartë që strukturat terroriste janë aktive në Shqipëri dhe rajon.

Financimet për radikalizimin e fesë Islame me lidhje terroriste kanë qenë prezente.

Të gjitha këto të dhëna përbëjnë kërcënim serioz për Sigurinë tonë kombëtare.

Çdo ide për të ngritur një qendër në Shqipëri për rehabilitimin, grumbullimin e Foreign Fighters të ISIS të kthyer nga Siria, apo qendër refugjatësh është një hap shume i rrezikshëm i pamenduar dhe kërcënues për Shqipërinë dhe rajonin.

Së pari strukturat e sigurisë dhe të rendit në Shqipëri janë të dobëta dhe të korruptueshme.

Se dyti me gjithë arritjet e Shërbimeve tona të Inteligjencës, ato akoma nuk janë në nivelin e shërbimeve të vendeve më të zhvilluara, si nga baza e të dhënave që disponojnë (pjesën më të madhe të të dhënave për individë me lidhje terroriste e marrin si informacion nga shërbime partnere), po ashtu dhe nga niveli teknologjik që përdorim dhe për më tepër nga kualifikimi i personelit të shërbimit me gjithë respektin për punën e tyre.

Se katërti, rritja e influencës së krimit të organizuar, trafikut të drogës, korrupsionit lidhjet me qeverinë, krijon një potencial jashtëzakonisht të rrezikshëm të lidhjes së terrorizmit me krimin e organizuar, që do të kishte pasoja të mëdha për Shqipërinë dhe rajonin.

Qeveria duhet të lerë aventurat për interesa momentale politike.

Sot siguria jonë kombëtare është më e rrezikuar se kurdoherë.

Gjeopolitika me Ballkan me rritjen e influencës Ruse, shqetësimet për rritjen dhe kontrollin e Turqisë, (jo për interesa të partneritetit strategjik, por të mirëfillta të kontrollit politik, siç shprehen liderat evropianë), aktivizimi i shërbimeve të Iranit edhe për shkak të MEK, trafiku i drogës dhe pastrimit i parave janë kërcënime serioze, me të cilat duhet të merremi seriozisht.

Siguria kombëtare nuk është vetëm çështje e Edi Ramës apo qeverisë, ajo i takon parlamentit dhe Këshillit të Sigurisë Kombëtare.

Presidenti Meta duhet që urgjentisht të kërkojë të gjithë informacionin për këto lajme, qëndrime apo larg qoftë vendime të Ramës.

Loading...

Leni një përgjigje