Punonjësit e Policisë në lirim do të protestojnë sot më 6 qershor ora 11:00 tek Pedonalja se Ministrisë së Brendshme për të kërkuar dorëheqeqjen e kreut të saj, Fatmir Xhafaj. Sipas thirrjes që ata publikuar në rrjetet sociale nëpërmjet shoqatës së tyre, “Ministria e Brendshme dhe Policia janë kapur nga krimi”…
“Me qëllim sensibilizimin e opinionit publik dhe partnerëve ndërkombëtar se Ministria e Brendshme dhe Policia e Shtetit është kapur nga krimi, Shoqata e Punonjësve të Policisë në Lirim – 2013, sot proteston, – thuhet në njoftim. – Në këtë kauzë me kaq rëndësi dhe thelbësore për ligjin, rendin dhe sigurinë në vend, i bëjmë thirrje të gjithë punonjësve të larguar nga detyra por edhe atyre që janë në detyrë dhe besojnë në ligj, t’i bashkohen kësaj proteste kundër krimit në drejtimin e Organizatës së Policisë dhe në vend.
Jeni të mirëpritur sot, 6 qershor, ora 11:00 tek Pedonalja tek Ministria e Brendshme”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
