Policia ka zbardhur ngjarjen që ndodhi mbrëmjen e djeshme ku mbeti i plagosur 32 vjeçari Arbër Jakupi.Sipas policisë Jakupi është konfliktuar me dy kusherinjë dhe fillimisht është qëlluar me thikë.
Më pas në vijim të konfliktit njëri nga kushërinjtë ka qëlluar edhe me pistoletë në drejtim të jakupit, por nuk ia ka dalë të qëllojë mbi të.
Njoftimi i policisë:
Policia identifikon dhe shpall në kërkim dy autorët e dyshuar të ngjarjes.
Pas ngjarjes së ndodhur më datën 14.04.2018, rreth orës 21:25 në afërsi të Prefekturës Fier, ku mbeti i plagosur shtetasi A.J, 32 vjeç, banues në Fier, Policia e Fierit ngriti një grup të posaçëm hetimor për zbardhjen e ngjarjes.
Nga hetimet paraprake dhe nga informacionet e siguruara, dyshohet se shtetasi A.J, pasi është konfliktuar fizikisht në një lokal për motive të dobëta me shtetasit E.H.M, 25 vjeç dhe E.D.M, 25 vjeç, të dy banues në Patos (djem xhaxhallarësh), është qëlluar me thikë nga shtetasi E.H.M.
Gjithashtu njëri prej autorëve ka qëlluar edhe me armë zjarri pistolet në drejtim të shtetasit A.J por nuk ka pasur plagë të shkaktuara nga arma.
Policia po punon intensivisht për kapjen e autorëve dhe zbardhjen e plotë të rrethanave të ngjarjes.
Materialet i kaluan Prokurorisë pranë Gjykatës së Shkallës së Parë Fier për veprat penale “Vrasje me dashje, e mbetur në tentativë e kryer në bashkëpunim” dhe “Prodhimi dhe mbajta pa leje e armëve dhe municionit luftarak” parashikuar nga nenet 76/22/25 dhe 278/2 të Kodit Penal.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
