Policia e Fierit, ka dhënë hollësi për ngjarjen e sotme, e cila, nis me një sulm me armë ndaj një lokali dhe përfundoi me djegien e një makine, brenda së cilës u gjet edhe një armë automatike dhe një krehër.
Sipas Policisë, nga makina që u gjet sot e djegur, persona ende të paidentifikuar kishin sulmuar me armë një lokal. Pastaj ata e kanë braktisur dhe djegur atë.
Njoftimi i plotë i Policisë Vendore të Fierit
Në datën 11. 04. 2018, rreth orës 11:45 në lagjen “8 Shkurti” Fier, nga një automjet tip “Renault” është qëlluar me armë zjarri në drejtim të lokalit të shtetasit A. B.
Nga të shtënat nuk ka persona të lënduar por vetëm dëme materiale ku janë thyer xhamat e lokalit.
Makina është larguar në drejtim të Semanit dhe rreth orës 11:50 është gjetur e djegur në lagjen “15 Tetori” Fier.
Në brendësi të makinës është gjetur një armë kallashnikov dhe një karikator.
Forcat policore po krehin zonën me qëllim kapjen e autorëve.
Ndërkohë grupi hetimor po punon intensivisht për identifikimin e autorëve si dhe zbardhjen e plotë të rrethanave të ngjarjes.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
