Gratë që nuk festuan kurrë! 450 u pushkatuan, 7367 u burgosën gjatë...

Gratë që nuk festuan kurrë! 450 u pushkatuan, 7367 u burgosën gjatë komunizmit

155
0
Shares

450 gra u pushkatuan pa gjyq në burgjet e komunizmit, ku në total vuajtën dënime 7367. Mes tyre është edhe Marie Tuci, e vetmja grua mes 40 martirëve të kishës katolike shqiptare. Dëshmitë e tyre të përmbledhura në librin “Kalvari i grave në burgjet e komunizmit”, vjen si homazh për ata që nuk e festuan kurrë 8 Marsin.

Portreti i saj brenda ish-qelive të degës së brendshme në Shkoder dhe përkrah qiriu i ndezur i një drite që i mungoi brenda këtyre mureve.

Kjo është vetëm një prej historive të grave e vajzave të burgosura, torturuara dhe të vrara barbarisht gjatë regjimit komunist.

Marie Tuci ishte vetëm 18 vjeçe kur u arrestua dhe pas torturave ç’njerëzore, në moshën 22 vjeçare gjeti vdekjen në spitalin rajonal të Shkodrës.

Ajo është e vetmja grua mes 40 martirëve të fesë, por si historia e saj, ka edhe shumë gra e vajza të tjera që kalonin ditë të errëta në këto burgje.

Historitë e tyre të grumbulluara që në ditët e para të demokracise, e deri rreth viteve 2000, i ka sjellë të përmbledhura në një libër të pagëzuar “Kalvari i grave në burgjet e komunizmit”, Fatbardha Saraçi (Mulleti).

Fatbardha Saraçi: Libri im ka lindur nga vuajtjet e grave të përsekutuara.

8 Marsi festohej me bujë në vitet e komunizmit, por gratë që dergjeshin në qelitë e errëta të burgjeve të regjimit, as mund të flisnin për të.

Fatbardha Saraçi: Homazh që brezat e rinj të njihen me të kaluarën sepse kujtesa historike është dinjiteti i një kombi.

“Ecja rrugëve të Shkodrës, njerëzit nuk ndalonin të më takonin. Më përshëndesnin nga larg, ose bënin sikur nuk më shihnin. Ecja e ecja drejt dhe nuk shihja njeri, ecja pa kthyer kokën anash”, kjo është dëshmia e parë e lirisë së një gruaje që doli e gjallë nga qelia….

/DRONI.al/

Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/

loading...
Loading...

LEAVE A REPLY