Rrëfehet rumunia e përdhunuar nga shqiptari: Më kërcënoi me thikë që të...

Rrëfehet rumunia e përdhunuar nga shqiptari: Më kërcënoi me thikë që të bëhesha prostitutë

295
0
Shares

“Ilenia” ka rrëfyer momentet dramatike që përjetoi nga përdhunimi i shqiptarit e deri në prostituimin per te.

“Më futi në një makinë dhe më çoi në një shtëpi në Novarese, ku më mbylli në një dhomë. Më pas erdhi natën; vendosi një thikë në krevat, më mori prej krahu dhe më përdhunoi. Arrita të arratisesha të nesërmen me justifikimin që të ktheheshim në hotel dhe aty të merrja pasaportën, pa të cilën nuk mund të ushtroja prostitucion, siç do donte ai”,- ka rrefyer per karabinieret ajo. 29-vjeçarja rumune që jeton në Zvicër, edhe pse kanë kaluar më shumë se 10 vite nga mbrëmja e 5 Qershorit 2006, e kujton momentin kur një djalë shqiptar e rrëmbeu dhe e përdhunoi në një shtëpi në periferi të Divignano-s, komunë në Novara. Kanë kaluar shumë vite dhe drejtësia ende nuk e ka thënë fjalën e saj. Për një seri çështjesh teknike (mes të cilave anulimi i procesit në Apel për çështjet e njoftimeve) procesi kundër autorit të dyshuar, Edmond Nikolli, 30 vjeç, shqiptar me banim në Varallo Pombia, Itali, është ende në pritje të vendimit të gjykatës së shkallës së parë. Ai akuzohet për rrëmbim personi, dhunë seksuale dhe tentativë shfrytëzim prostitucioni. Ai e kishte njohur “Ilenian” në një album fotografik, atëherë 18 vjeçe, sapo kishte shkuar në Itali së bashku me një bashkatdhetare.

“Duhet të punoja si kameriere, por përfundova në rrugë. Ai hiqej si klient, por kur hipa në makinë, u nis me shpejtësi të madhe. Pas pak kohësh mbërritëm në një banesë (karabinierëve u tha se kujtonte tabelën “Shenjë”) dhe më mbylli në një dhomë. Pasi më hodhi në shtrat më detyroi të bënim seks. Nga ai më kujtohet një lëmsh i madh: Kanë kaluar 10 vite dhe këto gjëra, një person përpiqet t’i harrojë”,- rrefu vajza rumune sipas mediave italiane. Ilenia arriti t’ia mbathte nga makina kur rrëmbyesi i saj e shoqëroi në Genova për të marrë pasaportën. Një polic trafiku e pa gjysmë të veshur, pa këpucë e në lot. Më pas, lajmëroi karabinierët dhe nisën kërkimet për kapjen e rrëmbyesit.

/DRONI.al/

Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/

loading...
Loading...

LEAVE A REPLY