Një ditë pas arrestimit në tunelin e Kalimashit, një prej personave të konsideruar nga policia si i rrezikshëm dhe i akuzuar për atentatet me tritol në kryeqytet, Vladimir Gjuta mohon përgjegjësinë për këto ngjarje. Ai ka thënë se do të dorëzohej vetë pas zgjedhjeve të 21 qershorit.
Burime nga policia bëjnë me dije se në makinën që shoqëronte Gjutën është gjetur një armë, e tipit “Glock” me inicialet V. Gj., e cila është sekuestruar në cilësinë e provës materiale. Arma ishte me silenciator të personalizuar ndërsa është gjetur në orën 03:00 gjatë kontrollit të mjetit, në baterinë e makinës.
Policia pohon se po hetohet pasuria e Vladimir Gjutës nga autoritetet italiane dhe nga autoritetet angleze
Vladimir Gjuta, sipas policisë lëvizte lirshëm, por nuk fliste në telefon. Mësohet se gjatë qëndrimit në Tiranë ai komunikonte me korrier.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
